Prokura për përdorim në Shqipëri dhe jashtë saj
Prokura i jep një personi tjetër të drejtën të veprojë në emrin tuaj. Ne ju ndihmojmë ta hartoni saktë, ta nënshkruani para noterit, ta përktheni dhe ta legalizoni që të pranohet aty ku duhet.
Llojet e prokurave
- Prokurë e posaçme – për një veprim të caktuar, p.sh. shitjen ose blerjen e një prone, tërheqjen e një dokumenti ose përfaqësimin në një procedurë.
- Prokurë e përgjithshme – për administrimin e interesave tuaja në përgjithësi.
- Prokurë për trashëgimi – për pranimin ose heqjen dorë nga trashëgimia dhe regjistrimin e pasurisë.
- Prokurë për gjykatë – për përfaqësim nga avokati në një proces gjyqësor.
- Prokurë për dokumente – për tërheqjen e certifikatave dhe dokumenteve në emrin tuaj.
Prokurë nga jashtë për përdorim në Shqipëri
- Hartojmë tekstin dygjuhësh sipas kërkesave të noterëve dhe institucioneve shqiptare.
- E nënshkruani para noterit në vendin ku jetoni ose në konsullatën shqiptare.
- Kur nënshkruhet te një noter i huaj, organizojmë Apostille-n në atë vend.
- Bëjmë përkthimin e noterizuar në Shqipëri dhe e dorëzojmë aty ku duhet.
Prokurë shqiptare për përdorim jashtë vendit
Nëse prokura nënshkruhet në Shqipëri por do të përdoret jashtë – p.sh. në Itali, Greqi ose Gjermani – e përgatisim në gjuhën e vendit, organizojmë nënshkrimin te noteri, Apostille-n ose legalizimin dhe përkthimin.
Pyetje të shpeshta
A mund të shes një pronë në Shqipëri me një prokurë të nënshkruar jashtë vendit?
Po, nëse prokura është e posaçme, është nënshkruar para noterit ose konsullit, është pajisur me Apostille ose legalizim (kur nënshkruhet te një noter i huaj) dhe është përkthyer e noterizuar në shqip. Ne e kontrollojmë tekstin që të mos refuzohet.
Sa kohë vlen një prokurë?
Varet nga teksti i prokurës dhe nga institucioni ku paraqitet. Disa institucione mund të kërkojnë prokura të lëshuara së fundmi, prandaj ju këshillojmë ta përcaktoni qartë afatin në tekst.
Shërbime të lidhura
Përkthim i noterizuar
Përkthime zyrtare në mbi 30 gjuhë, të noterizuara dhe gati për institucionet shqiptare e të huaja.
Më shumëVula Apostille
Apostille për dokumente shqiptare që do të përdoren jashtë vendit – dhe për dokumente të huaja për Shqipërinë.
Më shumëLegalizim në ambasadë
Legalizim konsullor për vendet që nuk pranojnë Apostille – MEPJ, ambasada dhe konsullata.
Më shumëShërbime noteriale
Prokura, kopje të njësuara, deklarata dhe vërtetim nënshkrimi – të përkthyera dhe gati për përdorim ndërkombëtar.
Më shumëKërkoni një ofertë falas
Çmimet ndryshojnë sipas dokumentit, gjuhës dhe vendit ku do të përdoret. Plotësoni formularin, bashkëngjitni një foto ose skanim dhe ju përgjigjemi me ofertë të saktë – pa detyrim.